web plus

Ekskluzive/ Erza, shqiptarja që mahniti Francën këndon “Kuq e zi”

Kjo është Erza Muqolli, vogëlushja 9-vjeçare, që ka bërë krenarë të gjithë shqiptarët. 9-vjeçarja nga Drenasi i Kosovës, mori pjesë në talent show-n francez, “La France a un incroyable talent” (Franca ka një talent mahnitës). Por edhe pse nuk fitoi, duke marrë vetëm vendin e tretë në këtë konkurs, Erza ka mahnitur me zërin e saj jo vetëm publikun shqiptar, por edhe atë francez, aq sa mediat e krahasuan me një Celine Dion të vogël.

E veçanta e prezencës së Erza Muqollit në këtë spektakël muzikor qëndronte jo vetëm tek talenti dhe interpretimi i këngës franceze “Eblouie pa la nuit”, por ajo ka kënduar edhe në gjuhën shqipe, duke i mahnitur të gjithë, aq sa edhe publiku ”i ftohtë” francez i gjendur në salë, nuk rreshti së duartrokituri 9-vjeçaren shqiptare.

Këtë radhë Erza ka zgjedhur një mënyrë më origjinale dhe të drejtpërdrejtë. Përmes një video të realizuar ekskluzivisht për JavaNews.al, 9-vjeçarja shqiptare ka vendosur të përshëndesë të gjithë shqiptarët.

Dhe vogëlushja e bën këtë në mënyrën më të mirë. E veshur e tëra kuqezi, ajo ka interpretuar mrekullisht këngën e kthyer në hit për popullin shqiptar “Kuq e Zi”.

Me një fytyrë ëngjëllore, dhe me një zë mahnitës, Erza Muqolli tregon se ndihet krenare që është shqiptare, dhe se këtë gjë do ta tregojë gjatë gjithë karrierës së saj që duket mëse e ndritur. Dhe konkursi muzikor në Francë duket të jetë vetëm fillimi.

Përveç këtij mesazhi video, Erza e vogël ka dhënë një intervistë interesante për revistën Java, e cila do të publikohet të shtunën në faqet e revistës. Mos e humbni rastin për t’u njohur me një talent që do të bëjë të flitet shumë për të në të ardhmen.

Sport

Shaqiri me Ildën dëgjojnë këngën “Kuq e zi” (Video)

9:56 AM

Gjatë një interviste që Xherdan Shaqiri bëri për gazetaren e SuperSport Ilda Bejleri, në një moment Xherdani kishte lëshuar edhe këngën e Flori Mumajesit dhe Elvana Gjatës, “Kuq e zi”.

Shaqiri kishte qenë shumë i hapur me gazetarën Ilda gjatë kësaj interviste, ndërkaq janë rritur edhe thashethemet se ai është në një lidhje me gazetaren shqiptare. Sido që të jetë, Shaqiri ishte në element gjatë intervistës, e njëjtë edhe gazetarja Ilda.

Sport

Fitorja ndaj Francës do të thotë kalim në vazon e tretë

9:37 PM

Shqipëria duhet të fitojë ndaj Francës, në mënyrë që të sigurojë një vend në vazon e tretë UEFA për kualifikueset e botërorit Rusi 2018. Në këtë përfundim bien parashikimet statistikore, të cilat tregojnë se një fitore ndaj organizatorëve të Euro 2016-të, do t’i sillte Shqipërisë 98 pikë më shumë në rang-listën FIFA(aktualisht kuq-e-zinjtë ndodhen në vendin e 51-të me 624 pikë, fitorja ndaj Francës do ta çonte në 722 pikë).

Eduard Rănghiuc, në web-faqen e tij “football-rankings” nënvizon se Shqipërisë i duhet patjetër fitorja ndaj Francës në mënyrë që të sigurojë një vend në vazon e tretë (nga 6 vazo) për shortin që do të përzgjedhë grupet eliminatore për në Botërorin Rusi 2018-të (më 25 korrik në Shën Pjetërsburg).

“Shqipëri vs Francë – vendasit duhet të fitojnë që të sigurojnë një vend në vazon e 3-të”, shkruan Rănghiuc që në fillim në një paragraf të titulluar “Disa ndeshje tejet të rëndësishme” ku bie në sy gjithashtu ndeshja Danimarkë – Serbi, e cila vendos fatin e të dyja përfaqësueseve, të cilat luftojnë për një vend në vazon e 2-të.

Sipas “Football-rankings” Shqipëria ka 42.38% shanse që ta sigurojë vendin për në vazon e tretë, ndërkohë që me 57.62% ajo do t’i qëndrojë vazos së katërt. Kujtojmë se Shqipëria në përzgjedhjen e kaluar për eliminatoret Brazil 2014 – kur kuq-e-zinjtë ishin gjithashtu në vazon e katërt – rezultoi në Grupin E sëbashku me Zvicrën, Islandën, Norvegjinë, Slloveninë, Qipron (një grup më i lehtë se i viteve të kaluara).

Eduard Rănghiuc është një programues nga Rumania, i cili e drejton “football-rankings”-un prej 8 vitesh. Ai ka bashkëpunuar me media të rëndësishme sikurse “Sport365”, “MIND CTI”, apo “Global Sports Media”.